Page 8 - ATA 31 OCT 2015

AWEMainta Diasabra, 31 Oktober 2015 11

Gobierno a
nenga conseho
di seguridad
nacional pa wak
bon ken ta drenta
Aruba

PARLAMENTARIO pa MEP, mr. Juan Ady Thijsen a haya conocimento

di un nota di Departamento di Seguridad Nacional di Aruba fecha 18 di
februari 2014, dirigi na varios Ministro di nos pais entre nan Minister
Presidente, Minister di Husticia, Minister di Imigracion y Minister di
Turismo. T’asina ‘ki cu tur pais democratico tin su Departmento di
Seguridad Nacional, su tareanan principal ta cuida seguridad di nacion.
Esey ta ensera e.o. cualkier actividad y sucedido cu por pone existencia di
e pais na peliger. E por ta envolve individuonan cu accionan individual
o den grupo organisa.

Tambe ta bin acerca cu dor cu nos ta biba di turismo cada atentado
contra turismo ta un atentado contra existencia di e pais.
Den e nota di 18 di februari 2014, Departamento di Seguridad Nacional
di Aruba ta manda un advertencia pa Gobierno di Aruba pa tira un bista
riba e personanan cu ta drenta y lo bay drenta nos pais.

Esaki pasobra den e hendenan aki tambe tin hendenan
desespera dor di e situacion di nan pais, pero tambe
criminalnan bon organisa.
Manera conoci Gobierno di Aruba a pone e consehonan
di Departamento di Seguridad Nacional di Aruba un
banda y awor nos tur ta bibando e consecuencianan di
e acto iresponsible aki di Gobierno y ainda falta.
Pesey mes Parlamentario mr. Juan Ady Thijsen ta tempo
p’e Gobierno aki bay cas mas liher posible.

#1 Online