Page 37 - Djabierne 6 aprel 2018.pdf
P. 37
Djabièrnè 6 Aprel 2018 37
Movementu Progresivo
ke sa si Ulanda a duna
Minister Presidente
instrukshon
WILLEMSTAD.- Tin tur
indikashon ku Ulanda
ta na punto di duna
Gabinete Rhuggenaath
un instrukshon pa e
maneho finansiero aktual.
Fuentenan ta konfirmando
ku partido MAN lo kita
sosten for di Gabinete
Rhuggenaath dado kaso ku
Cft mester duna e Gobièrnu
aktual un instrukshon pa
ku e Maneho finansiero.
Strategianan di eksperensia
tras di e partido di koalishon
MAN lo no ta dispuesto pa
akseptá e instrukshon di
Ulanda riba nan Minister
di finansa, asina Partido di
Movementu Progresivo (MP)
a duna di konosé.
Di otro banda, MP
for di su fuentenan a
komprondé ku si partido
MAN kita sosten for di e
aktual Gabinete, Minister
presidènt Rhuggenaath ya
kaba tin e sosten di polítika
di Den Haag pa e disolvé
Parlamento i yama un
elekshon nobo.
MP lo desaprobá e
forma di hiba polítika
aki i ta di opinion ku
Gabinete Rhuggenaath
kompleto mester asumí
nan responsabilidat i bai
hasi e trabou manera nan a
Sigui lesa pagina 39
