Page 6 - AHATA
P. 6
12 LOCAL AWEMainta Diabierna, 31 Mei 2024
Marriott Resort & Casino Aruba ta presenta un fin di
siman Mediterraneo cu chef invita Charbel Hayek
DURANTE un conferencia di prensa teni na Mercát, restau-
rant Mediterraneo na Marriott Aruba Resort & Casino,
gerente general Sr. Raoul Lemmering hunto cu Marketing
Manager Srta. Noemi Tromp a presenta nan chef invita p’e
fin di siman aki, Sr. Charbel Hayek.
Sr. Lemmering a splica cu no ta prome biaha cu nan ta haci
eventonan special cu chefnan internacional. E idea pa un
anochi mediterraneo a surgi na momento cu despues di a
remodela e restaurant y habri’e bek cu un menu y concepto
nobo, den ambiente mediterraneo, bou di e nomber Mercát.
Chef Charbel Hayek, originalmente di Libanon y trahando na New York, a prepara un menu special p’e evento aki.
E gerente a elabora cu e eventonan teni cu chefnan invita, no
ta solamente pa deleita huespednan y clientela local, sino
tambe ta fungi como un momento di intercambio di exper-
encia y inspiracion pa nan propio chefnan.
Trahando hunto den preparacion y durante e evento, e
chefnan ta intercambia ideanan y experencia cu kisas por
resulta den inspiracion pa platonan nobo den futuro.
N’e momentonan aki Mercat tin tres studiante di EPI partici-
pando n’e evento e fin di siman aki, hayando siñansa, y inspi-
racion di un chef renombra di caliber internacional.
Sr. Lemmering ta enfatisa cu Marriott Aruba Resort & Casino
ta kere den inverti den talentonan hoben local por locual ta
duna e studiantenan aki e oportunidad bunita aki.
Chef Hayek a elabora riba su carera profesional y tur locual
cu ta inspir’e. Mirando su edad hoben, e ta sinti’e conecta cu
e studiantenan local y ta contento di por comparti cu nan su
experiencia y sirbi di inspiracion.
E evento p’e fin di siman aki lo conta ariba diasabra cu un
menu di 6 plato acompaña pa un ‘wine-pairing’, mientras cu
diasabra e menu lo consisti di cuater plato, tur den ambiente
mediterraneo.
E evento di diasabra ta completamente yen. Sinembargo,
Marketing Manager Noemi, ta invita pueblo di Aruba pa haci
reservacion p’e cena di diasabra. Pa haci reservacion por
tuma contacto cu nan servicio di reservacion na 5206648.
Tambe por manda un mensahe via nan FaceBook Page,
Instagram of via aruba.reservations@marriotthotels.com
No perde e oportunidad unico aki!
