Page 2 - DVG
P. 2
Aruba riba lista di IATA pa restriccion
di biahe pa cierto pais relaciona cu
coronavirus
Posted on 03/1/2020 6:38 pm AST | Updated on 03/1/2020 6:43 pm AST
ORANJESTAD – Aruba ta riba e lista di IATA (International Air Transport Association)
pa loke ta restriccion di biahe pa coronavirus. E lista ta specifica paisnan cu mester tene
cuenta cune si nan kier biaha pa Aruba. Mientrastanto e portal Britanico The Guardian ta
raporta cu personanan di e paisnan respectivo no por drenta Aruba, e lista di IATA mes
ta bisa algo poco diferente. Segun e lista mes, ta papia cu ‘pasaheronan y tripulante cu
tabata na China, Iran, Italia, Japon of Korea den e ultimo 14 dianan, lo ta suheto na
screening inmediato pa autoridad di salud di Aruba prome cu nan drenta nos isla.
“Departamento di salud lo dicidi si e pasaheronan y tripulantenan mester wordo isola of
poni den cuarentena”, e portal ta bisa. E lista ta publica for di dia 28 di februari 2020.
Wak e lista AKI unda cu Aruba ta menciona.
