Page 41 - AWEMAINTA

Diamars, 27 Februari 2018 AWEMainta 41

Internacional

Merca ta spera cu Korea lo

cambia su politica nuclear

E Gobierno Mericano a sigura cu e ta spera cu e
oferta di dialogo cu Noord Korea a mustra ayera ta “e
prome stapnan riba e caminda di desnuclearizacion”
di e peninsula di Korea.

Den un comunicado, e vocero di Cas Blanco,
Sarah Huckabee Sanders, a reitera e compromiso
di e Administracion di Donald Trump pa “logra e
desnuclearizacion completo, verificabel y ireversibel
di e peninsula di Korea”.

“Merca, nos sede olimpico, e Republica di Korea y e
comunidad internacional ta di acuerdo den general
cu e desnuclearizacion lo mester ta e resultado di
cualkuier dialogo cu Noord Korea”, Sander a sigura.

“E campaña di presion maximo mester sigui te oracu
Noord Korea keda desnuclearisa”, el a insisti.