Page 68 - MIN ARENDS - RICHARD ARENDS

Awe ta apertura di aña parlamentario y den cuadro di esaki kier a informa comunidad riba diferente
tema. Durante e e ulimo lunanan partido POR a papia hopi riba e programa di partido. A bay den
diferente programanan na television y na radio pa asina transmiti e informacion di e plan concreto cu

nos tin pa atende cu retonan den nos comunidad y stimula nos economia. Alabes recordando cu ya
casi nos ta yega e fecha cu pueblo lo scoge e proximo representantenan di pueblo den Parlamento.
Por medio di e e actonan criminal entre otro cu ta tuma luga den nos comunidad, mas y mas esakinan

ta mustra e decadencia cu tin den nos pais. Durante bishitanan di cas e retonan cu semper a keda bin
dilanti ta e inseguridad cu tin actualmente y e aspecto di cuido medico cu falta accesibilidad pa
pashentnan. Tambe e hecho di costo halto di bida cu tin, cual den POR su plan di gobernacion Vision

17-21 Hunto Nos Por, ta papia ampliamente riba dje. Ta papia di aumenta e poder di compra di nos
pueblo y aumenta salario minimo cu 10% pa poco poco cera e ‘gap’ cu tin pa yega na e

‘bestaansminimum’.
E fundeshi di nos comunidad ta loke cu mas merece atencion awor, pa hacie uno solido. A pesar cu
otro partidonan tin enfoke otro caminda, partido POR ta keda enfoca riba locual cu ta importante pa
comunidad, cual ta pa nan haya informacion y solucionnan pa e retonan cu tin. Partido POR ta

rechasa e actitud di partido AVP specificamente cu ta dirigi su mes na distrui propiedad di otro,
campaña cu mentira y ta ofrece placa, trabou y tereno entre otro cu e simpel meta pa baha un bandera

di partido POR. Mensahe di POR ta keda esun di informacion. “Nos mensahe ta keda esun cu tin un
Forsa Nobo akinan na Aruba y cu tur partido mester tene cuenta cu esaki. Nos no ta bay cambia nos
strategia pa loke ta trata e politica cu nos a compromete cu comunidad di Aruba cu ne. Nos lo keda

enfoca riba informacion di nos programa di partido y lo keda haci uzo di cada oportunidad cu por, pa
suminstra informacion na nos comunidad.”
Nos plan di gobernacion completo ta disponibel gratis riba nos Facebook Page Por E Forsa Nobo

unda cu por haya informacion amplio di con por lo soluciona retonan cu comunidad a indica como
prioridad pa atende cu ne.