Page 12 - WEB

Como e desperdicio ta wordo procesa continuamente, e no ta putri manera na dump. Tin

fannan grandi cu ta supla aire “perfuma” y otro aparato den dak cu ta yuda tene e

ambiente limpi. Un empleado ta pasa henter dia riba su machin pa limpia e flur. E

limpieza na EcoGas berdaderamente ta un sorpresa grandi y un contraste enorme cu e

dump. Contrario di e politica di “Dump Parkietenbos, na EcoGas mi a haya permiso pa

saca cuanto potret cu mi kier saca. Ora cu e truck di EcoTech yega na EcoGas e ta wordo

pisa pa mira cuanto desperdicio e ta trece. Esaki normalmenta ta mas o menos 100 ton
metrico pa dia. E truck ta deposita e sushi riba e flur di un sala grandi caminda un ekipo

ta saca e cosnan grandi manera mueble, stoof, television etc. Despues ta sigui un proceso

di diferente paso pa separa materialnan re-uzabel manera carton, aluminio, staal, santo y

piedra. Pa e proceso aki miyones di dollar ta inverti den ekiponan cu ta wordo manteni pa

varios tecnico specialisa.

Di e resto di e carbon no-toxico, dos cos por wordo haci: Ideal ta cu EcoGas ta

comprimi’e y convirti’e pa gas y e gas por wordo uza pa genera electricidad. Na e

momento aki tin un tubo di gas conecta cu WEB caminda tin e ekipo pa uza e gas.

Tin algun detaye cu mester wordo soluciona prome cu e proceso di genera electricidad ta

completo. Entre tanto, cu ekiponan enorme EcoGas ta comprimi e retaso no-toxico te cu e

bira apenas 20% di e tamaño original. Esaki ta wordo shora cu waya di metal den bulto

cu ta wordo hinca den saco di plastic grandi. Actualmente na varios caminda cu den

pasado a coba pa saca santo of piedra a keda buraco grandi den tera, e bultonan ta wordo

uza pa dempel e buraconan mahos den un manera responsabel. Mi ta spera cu pronto e

decisionnan necesario lo wordo tuma pa stop crecemento incontrola di e dump. Pa
cuminsa, en bes di manda e 40,000 ton di desperdicio pa aña cu Serlimar ta agrega na e

dump, manda’e pa EcoGas proces’e. Esaki lo por tuma luga casi mes ora y lo stop e

crecemento bastante. Mi tin entendi cu EcoGas tin e capacidad di procesa tur desperdicio

di cas y comercio cu Serlimar ta recoge. Mi ta spera cu pronto e issue di gas pa WEB lo

keda soluciona tambe. E dump na Parkietenbos ta un desaster ecologico. E ta menasa nos