Page 34 - AM210608

MANEHO DI DESPERDICIO / MEDIO AMBIENTE

E problema na Aruba ta e gran cantidad di desperdicio cu ta wordo produci ta
birando mas grandi y dificil pa procesa, causando problemanan masha serio
pa e habitante nan den e bario, nos aeropuerto y aviacion internacional, medio
ambiente y pais completo.

Partido MAS lo introduci un maneho sostenible y realistico, cu lo wordo reparti
como lo siguente:

• Introduci un maneho sostenible y integral pa e maneho di e desperdicio,
unda cu lo usa diferente technologianan innovativo pa procesa cada tipo di
desperdicio, cu lo consecuentemente brinda mas oportunidad laboral;
• Lo sanea e sero di dump na Parkietenbos y lo busca un miho maneho pa
tapa esaki, cu lo trece alivio pa e habitantenan den e bario y lo minimalisa e
candelanan riba dump;
• Reduci y re-usa desperdicio, unda cu lo stimula e cuidadanonan y turista
pa reduci desperdicio (por ehempel plastic) mas tanto posibel, den e area
residential y comercial;
• Lo hisa e calidad di servicio di recohemento di desperdicio pa uno integral y
sostenibel pa evita desperdicio yega den nos medio ambiente;
• Lo duna prioridad pa un planta nobo na e rioolwaterzuiveringsinstallatie (RWZI)
Bubali, pa un miho procesamento di e awa di riool/beerput/pos;
• Lo upgrade tur e RWZI nan unda e awa procesa lo por wordo usa pa agricultura
y mata nan den bario of caya;
• Lo introduci legislacion duradero y sostenibel pa proteccion di naturalesa y
medio ambiente, y un beheersplan pa e 16 areanan proteha;
• Lo introduci un maneho integral di e biodiversidad marino, tambe pa parhanan
y riba tera.