Page 36 - FDLP
P. 36
Den e division Junior, e fuerte ekipo di Center League no a laga duda cu nan ta e miho
ekipo e aña aki ora cu nan ta gana e combinacion di North/South esta NAS tur nan
weganan. Tanto diasabra como diadomingo e ekipo di Center tabata superior y
merecidamente a bay cu e titulo di campeon. Manera a anuncia anteriormente cu e aña
aki e campeonato Latino Americano di baseball Junior League lo tuma lugar na Aruba
mes.
Esaki ta significa cu tur dos seleccion tin e derecho di representa Aruba, no mas cu
Center League lo bira Aruba 1 mientras cu North/South(NAS) lo bira Aruba 2. Pa loke ta
e final den e division di Senior, esaki tabata un sigur di hopi maneho, strategia y pitcheo
di ambos banda, unda e ekiponan di Center y North a duna e publico presente un señor di
baseball pa mira.
