Page 51 - FDLP

Masha danki pa e comentarionan y e cantidad di yamada nan di siman pasa, relaciona
cu e potret cu a sali di e auto bieu cu tabata tin. Debi na e espacio cu nos tabata limita
na dje y na e pida cu nos a uza pa loke ta trata e tata di drag di Curaçao, esta nos
amigo Techi de Boer. Cu nos amigo Techi sosega na paz.

E asunto di e potret cu nos a publica, ta basa ariba un informacion cu SW tin pa
comparti, ta cu e auto ariba e potret ta e prome auto di Bad Banana cu tabata e
Corvette. Wel e auto aki ta bay wordo drecha bek y pronto lo ta ariba caminda bek. Nos

a compronde cu nos amigo Bettle Nadal lo ta den e proyecto aki. Hahaha bon storia pa
esnan cu ta ferviente amante di e Team aki.

Un otro bon noticia ta encuanto e posibilidad di por tin front, porta, bahul, y kico otro

cu bo ta pensa den fiberglass, wel aki na Aruba esaki ta posible awo cu nos amigo Dr.
Frenk Angela ta cla pa pone boso soño bira un realidad.

Ariba e potret nan cu ta acompaña e articulo, nos ta wak dos front cu Dr Frenk a traha

ultimo y si nos wak bon un body di Celica preto, wel esaki ta e proyecto di nos amigo
Frank cu pronto lo ta ariba pista y cu Dr Frenk mes tras di stuur.

Anyhow amigonan, espacio a bolbe yena y nos tin di laga tumba. Corda cu ariba

caminda publico ta pa core basila y chill y ariba pista ta pa mara trot den bom.