Page 15 - AM200528

14 AWEMainta Diahuebs, 28 Mei 2020

Mas di 500 persona a sigi edicion digital di E-Seminar

RECIENTEMENTE organisadornan di e semi-

nario popular e-Aruba y e-Curacao Business Semi-

nar a organisa un edicion ‘Bonus’ den formato digi-
tal.

Organisadornan ta mira atras riba un exito rotun-
do mirando cu mas di 500 persona a registra y a

mira e seminario. E mayoria persona cu a registra

tabata for di Aruba y Curacao, pero tambe tabatin
registracionan for di Merca, Hulanda, Trinidad &

Tobago y Hawaii.

E motibo principal cu a organisa e edicion special

aki ta cu tanto e evento cu ta tuma lugar na Aruba

y Curacao cu salanan yen anualmente por lo tanto
no por tuma lugar. Mirando cu desde cu Covid19 a

afecta e islanan y mundo ta nota cu hendenan ta
pasando hopi mas tempo online. Tambe hopi com-

pania a haya nan mes ta transforma digitalmente

den un forma acelera.
A dicidi di aserca diferente orador internacional

p’asina comparti nan experiencia y nan consehonan
con pa comunica digitalmente durante di Covid19.

E comentarionan tabata sumamente satisfecho pa
cu e topiconan cu a keda presenta. Tanto Ramon

Ray di New York, Miri Rodriguez di Seatle y Die-

derik Kemmerling a sa di comparti consehonan
util cu cada persona por usa den nan organisacion.

Por a nota cu e interaccion tabata hopi halto tambe

mirando cu tabatin hopi pregunta cu a keda lansa
durante di e seminario.

For di e encuesta cu a tuma lugar na final di e sem-

inario e personanan cu a registra un satisfaccion

grandi. 99% di e respondentenan a contesta cu e
seminaro tabata educativo. 98% lo conseha un co-

lega y of conocir pa atende e seminario den futuro.
93% di e respondentenan a haya cu e calidad tec-

nico di e seminario tabata satisfactorio.

P’esnan cu no a logra mira e edicion special aki,

diabierna awor dia 29 di mei 2020 lo comparti e

video completo riba e plataformanan digital di e-
Curacao, e-Aruba y e-Seminar. Un danki tambe

na tur sponsor cu a haci esaki posibel.