Page 10 - Min.Ecem Feb 10, 2015

Parti di rif pa zuid di Varadero afecta Diamars, 10 Februari 2015

FAYO DI HEATER den tanki di GRATIS
combustibel na WEB Aruba a
causa di zeta den laman

DIALUNA pa 8 or di mainta a drenta un informacion for

di APA cerca e Havenmeester cu a detecta zeta riba laman.
A inicia e investigacion pa wak na unda e zeta ta drenta
den laman. Al rededor di 9 or di mainta a constata cu e
fuente ta na WEB Aruba. A resulta cu tin un lek n’e heater
den un di e tankinan di Heavy Fuel Oil di e compania di
awa y energia.
Mesora gerencia di WEB a tuma contacto cu
Rampenbureau. Pa 9.30 or Havenmeester a notifica
Kustwacht pa nan haci inspeccion di costa.
Pa 10.50 or a logra stop e leak n’e tanki y a stop e fluho di
zeta den laman.

A manda helicopter, Maritiem Politie y team di Valero pa
hunto cu Kustwacht haci e inspeccion pa haya un bista con
grandi e zeta a plama y pa por tuma accion pa limita daño
na nos costa y rif.
E botonan a haci control for di costa banda di WEB te na
California y a resulta cu ningun caminda tin zeta cant’i
costa. E parti mas afecta t’e rif parti pa zuid di Varadero
n’e banda paden.

Entretanto e mesun mainta sr. Haime Donata di
Rampenbureau a notifica Minister Presidente y AHATA
pa informa hotelnan pa nan ta alerta, aunke no tabatin
ningun indicacion di peliger pa hende.

WEB a reuni cu Rampenbureau, Aruba Birdlife
Conservation, Directie Scheepvaart, Valero y Directie
Natuur en Milieu p’asina coordina limpiesa di rif.
WEB a encarga dos contratista renombra pa haci e
limpiesa. Tambe ta den contacto estrecho cu Aruba
Birdlife Conservation cu lo coordina e contacto cu otro
gruponan ambiental.
Tur kimico cu lo uza p’e contratista ta wordo aproba pa
Directie Natuur en Milieu p’esaki no afecta flora y fauna
riba rif y den laman.

Your address for the best software and support. Entretanto a haya algun parha cubri cu zeta, cual a logra
captura y cu lo haya tratamento. Aparte di e trabou di
Accounting Software limpiesa na rif, den e dianan benidero lo keda inspecciona
Payroll Software costa p’asina por tuma accion mesora si esaki ta necesario.
Document Management Esnan cu ta nota algo cant’i costa of ta haya parha afecta,
HRM / CRM Software por tuma contacto cu Departamento di Relacion Publico
na WEB, via telefon 525-4671, via email info@webaruba.
Tel.: 583-7072 | info@vcc-int.com | www.vcc-int.com com of via pagina di Facebook di WEB Aruba NV.

Gerencia di WEB ta manda un palabra di gratitud na
tur instancia concerni pa nan cooperacion y rapides den
tratamento di e incidente lamentabel aki. Lo sigui un
investigacion interno pa mira con por preveni un suceso
parecido den futuro.

AWEMainta.com | E-mail: noticia@awemainta.com | www.facebook.com/Awemainta | Tel: 583-1400