Page 26 - diario mrt 25

PAGINA 26 DIARIO DIARANZON 25 MAART 2015

Polis atende
cachonan

problematico
cu ta causa
intrankilidad

na bisiña

O R A N J E S TA D . ( A A N ) ;
Dialuna ultimo den ora
di atardi, riba instruccion
di central, polis a bay
direccion Montaña pa atende
problematico di cachonan cu
ta ladra (blaf).
Na e cas, e homber di inicial
J. a declara na e agente
nan cu e cacho di su bisiña
constantemente ta drenta su
tereno y e tin hopi molester di
e cacho.
Relaciona cu e keho atendi,
patruya a bay na cas di bisina
y polis a papia cu e homber di
inicial G.pa atende tocante su
cacho.
G. tin comprension di e
situacion y lo tuma medida
apropia pa evita cu su cacho
causa molester na otro. Na
Cero Preto (San Nicolas)
presencia di polis a wordo
rekeri debi cu a surgi problema
entre bisiña.
E motibo atrobe ta asunto di
cacho.
Locual a sosode ta cu e
homber denunciante di inicial
B. a declara cu e cacho di e
señora bisiña, a drenta cura y
por poco e cacho a drenta cas
di denunciante pa morde su
yiu muher.
Pero e cacho no a logra mord'e
cu B. a gara e cacho.
B. a sigui declara na polis cu
no ta prome biaha cu polis a
presenta na su cas pa atende
mesun problema. Despues
cu polis a scucha y anota e
version di B., patruya a bay
na cas di e doño di cacho.
Polis a splica e doño di inicial
C. e problema cu su cacho ta
causando y kico lo por ta e
consecuencia di esaki pa su
cacho. C. a laga sa di lo tene
su cacho paden.