Page 4 - Awemainta

4 AWEMainta Diamars, 12 Januari 2016

Maske cu benta no tabata bon

Asina mes, gran parti di
vuurwerk no a ser debolbi

MASKE cu segun ley, dia 1 di januari ta ultimo dia pa tira vuurwerk, asina mes, e

fecha di Tres Rey pa hopi ta ser considera como e ultimo dia pa tira vuurwerk.
Asina mes, si mira e cantidad di containernan cu restante di vuurwerk, di acuerdo
cu conocedornan e mester ta mas cu mitar lo a keda sin bende.
Mas ainda, si tuma nota cu e aña aki, e benta di klapchi no tabata di e hopi ey, pero
masha hopi e keda sin bende.

Pero te cu ayera, ta 3 pa 4 container cu klapchi cu a resta so a yega e deposito na Wela,
loke nifica cu tin comerciante cu ta wardando klapchi ilegalmente, causa peliger pa
nan mes y nan famia.
Siendo cu warda klapchi ilegalmente, ta castigable. Ta ser calcula, cu por lo menos
7 container mes a keda sin bende y automaticamente mester ta entrega na deposito
na Wela, mientras cu esaki no te caso.

Fin di aña pasa, un total
di 81 localidad tabatin
permit pa bende klapchi
te cu dia 1 di januari. Y
asina mes, por a tuma nota
cu Dia di 3 Rey, ainda ta-
batin masha tiramento di
klapchi, maske cu esaki ta
contra ley, pero t’asina leu
cu nos sa, autoridad hudi-
cial no a parti ningun boet
y menos ainda, ningun
vuurwerk a keda confisca.

Ban spera cu ainda tin mas
container ta yega cu loke a
resta di klapchi.