Page 9 - WEB
P. 9
Lo tin un destaho publico cu lo tuma luga (cual otro luna ta sali), cu ta significa cu ta
habri e posibilidad na esnan cu a participa den e proceso caba, pero tambe pa otronan
cu tin interes pa participa’.
Por participa sea pa e remediacion di dump Parkietenbos 1. Tapando tur locual cu tin na
e sitio, of 2. (locual cu mayoria compania a menciona) cu poco poco lo baha e seronan
di sushi door di hinka e sushi den un incinerator pa produci gas of coriente pa di e
forma aki ‘clean up’ e area y reduci e seronan.
Tur esaki na un forma hopi responsabel unda cu ta percura na un forma profesional cu
e particulanan di sushi cu tin na e momentonan aki na Parkietenbos no bay molestia e
area, e mandatario a splica.
Ta papiando di un inversion cu mester bay tuma luga di rond di 150 pa 200 miyon
dollar pa locual ta ambos fase, algo cu ta sumamente necesario y cu no tin tempo mas
pa pospone. Esaki a wordo poni hopi cla den e ultimo rapport cu tabatin di e
organisacion PAHO, Minister Oduber a termina splicando.
