Page 46 - MIN SOC, 29 MAY

Minister Paul Croes Derechonan di Mucha ta
nos prioridad

Local
29 May, 2015

“Proteccion, educacion, cuido y salud di nos muchanan ta keda nos prioridad como pais cu ta
forma parti di e tratado di derechonan di mucha”, tabata palabranan di Minister Paul Croes
durante e tratamento di e raportahe riba derechonan di mucha pa Aruba. Minister Paul Croes
(Asuntonan Social, Hubentud y Labor) a compaña e delegacion di Reino Hulandes den e
tratamento di e raportahe di e cumplimento di e tratado di derechonan di mucha na Ginebra,
Suiza. Durante presentacion di Aruba, Minister Paul Croes a elabora riba e esfuerzonan di nos
pais (como co-firmante di e tratado) ta haci pa sigui cumpli cu e derechonan di nos muchanan.
Minister Croes a mustra riba e recien estudio haci pa Universidad di Aruba riba norma y
balornan di hubentud di Aruba. Tambe Minister Paul Croes a mustra riba e trabounan importante
cu NGO’s di Aruba ta haci pa apoya nos muchanan y hobenan den nan desaroyo.” Gobierno di
Aruba tin halto riba su agenda politico e discucionnan riba derecho di nos muchanan. E
compromiso aki ta wordo mira den e maneho integral riba hobennan firma pa 4 minister di
Gabinete Mike Eman ll. Minister di Husticia, Minister di Educacion, Minister di Salud y mi
persona ta esnan encarga cu e maneho riba nos hobenan”, asina Minister Paul Croes a mustra
durante e conferencia. E comision di derechonan di mucha a keda satisfecho cu esfuerzonan di
Gobierno di Aruba den e cumplimento cu e tratado. Lo sigui algun recomendacion pa e situacion
di Aruba.
http://masnoticia.com/minister-paul-croes-derechonan-di-mucha-ta-nos-prioridad/