Page 5 - MIN SOC, 29 MAY

AWEMainta Diabierna, 29 Mei 2015 9

Minister Paul Croes
a presenta Feria
Social na Ginebra

DURANTE e evaluacion di e comision di Nacionan Uni riba

Derecho di Mucha, Minister Paul Croes como Hefe di Delegacion
di Aruba a presenta e prome programa di participacion hubenil
na fundacionan social di Aruba.
“Feria Social ta un ehempel riba con Aruba ta trata na envolucra
hobennan pa ta mas participativo den nos sociedad.
Mas di100 hoben activamente envolvi den desaroyo di fundacionan
pa 3 luna largo. Esaki mester ta un ehempel pa Reino Hulandes”,
Minister Paul Croes a declara dilanti e Comision di Derecho di
Mucha na Suiza.
E comision aki cada 5 aña ta haci un evaluacion riba cumplimento
cu e Tratado di Derecho di Mucha den Reino Hulandes.
E delegacion di Reino a consisti di 3 Minister for di Aruba, Sint
Maarten y Curaçao y un Director General di Hulanda.
E comision a keda positivamente impresiona cu e nivel di delega-
cion representa pa islanan Hulandes na Ginebra Suiza.
Riba pregunta di e comision kico ta programa of proyectonan cu
Gobierno di Aruba ta haci pa activa participacion di hobennan den
nos sociedad, Minister Paul Croes a mustra riba e ehempel di Feria
Social cu ta carga y dirigi dor di hoben pa hobennan na Aruba.