Page 18 - FDLP

Raymond Kamperveen, Presidente di One Shot Baseball Organization cu ta afilia na

Centro di Bario Lago Heights. Segun el a splica, nan ta haciendo uzo di e tereno aki pa

mas cu 10 aña y a cambio nan ta haci e mantencionnan necesario. Asina nan a pone dak

pa tribuna, a drecha e dugoutnan.

Pero diaranson den oranan di atardi a bin constata cu ladronnan a bay cu un pida basta

bon di e material di backstop. “E ta kibrabo como boluntario, pero nos mester sigui

pasobra e muchanan mester haci nan practicanan. E no ta kibra nos, pero si ta hay’e algo

lamentable pasobra nos ta haciendo hopi pa e muchanan di San Nicolas,” Kamperveen a

bisa.

Un net nobo no ta haya na Aruba, pues mester cumpr’e den exterior, cu ta trece cun’e

gastonan di transporte y tambe tin e trabou pa e wordo poni. Si haya por ehempel

cooperacion di Brandweer, e boluntarionan mes lo por subi te na laira pa pega esaki.