Page 16 - FDLP

Aruba International Karate Cup Lo Tuma Lugar Dia 16

Y 17 Di November Awor

 Deporte
- 13/11/2019

E luna aki, nos isla lo ricibi atletanan di diferente pais cu lo topa otro den e prome edicion
di e Aruba International Karate Cup (AIKC2019).

Un evento cu lo marca historia dor cu esaki lo t’e prome biaha cu un torneo di e
disciplina aki lo tuma lugar den e region di Caribe.

Renaissance Convention Center lo t’e sede deportivo di e magno evento aki unda cu
diasabra 16 y diadomingo 17 di november diferente ekipo proveniente for di Spaña,
Pakistan, Argelia, Venezuela y Panama (entre otro), lo competi den categoria nan: Senior,
Cadete, Junior y categoría Infantil.

“Nos obhetivo cu e AIKC2019 ta pa duna un espacio di honor n’e deporte di Karate den e
region Caribe, nos proposito ta pa converti Aruba den un parada obligatorio pa tur atleta
di mundo den nan proceso tanto den desaroyo, como pa bira profesional”, ta loke Ángela
Medina a destaca, PR di e competencia.

E programacion di e Aruba International Karate Cup ta contempla, aparte di e
competencianan y exhibicionnan, dos seminario cu e Karatekanan destaca: Douglas
Brose (Brazil), dos biaha campeon mundial di Kumité, y Damian Quintero (Spaña)
number dos n’e ranking mundial di Kata.