Page 29 - AVP

Desde 2018 Parlamentario Endy Croes a splica cu el a manda un carta Hulanda
y tambe pa Ministerio Publico solamente puntrando nan opinion riba e rapport
aki. Lamentablemente ni Hulanda tampoco Ministerio Publico a duna un
contesta alrespecto. Fraccion di MEP a reuni riba e 4 rapportnan aki siman pasa
y a yega na e conclusion cu e 4 rapportnan aki mester wordo trata den un
debate publico, esta un reunion publico pa asina pueblo por wordo informa di
nan contenido, primordialmente “Bo Aruba” y asina ilustra e decadencia con
AVP a maneha, horta y “mafia” e pais aki publicamente.

E reunion aki lo nos yega na conclusionnan y mediante algun mocion Fraccion di
MEP lo urgi gobierno pa entrega kehonan oficial na Ministerio Publico pa inicia
cu un otro investigacion contra Benny Sevinger kende te hasta a nenga di
contesta Algemene Rekenkamer su preguntanan.

Fraccion di MEP a haci un suplica na Presidente di Parlamento pa yama e
reunion publico lo antes posibel pa nos por debati riba e rapportnan aki, pa
trece claridad y esnan cu a comete actonan di bandido lo mester para
responsabel pa nan actonan.

https://masnoticia.com/parlamentario-endy-croes-fraccion-di-mep-a-entrega-peticion-oficial/