Page 40 - AVP

tata, cu den pasado a haña varios contract entre otro cu DOW”, asina e Parlamentario

di AVP a indica den un comunicado, refiriendo na Endy Croes cu a acusa su tata di

tabatin contract di 10 mil florin pa luna na Aruba Ports Authority NV.

“Manera cu Aruba ta bayendo, ningun hende lo por purba draai un negoshi mas, ta un

direccion so bo por ta, sostene Gobierno of nan lo perhudica Bo, cu ta un desaroyo

peligroso. Aruba mester keda un pais liber y tur profesional cu tin mas cu 20 aña ta duna

servicio na tur tipo di compania, manera ta caso di su tata, kende Endy Croes a ataca, ta

basa su mes riba añanan di experiencia, calidad y ta cumpli”, asina e miembro di

Parlamento di Fraccion di AVP y alabes un ex-docente na Colegio Arubano, a duna di

conoce den un reaccion na su colega Parlamentario di MEP.

“Esun cu por conta sa cu Jennifer Arends-Reyes no tin 20 aña den politica pues e

relacionnan di trabou di mi tata nunca a depende di politica. Nunca mi a depende di fabor

politico tampoco, mi a studia, gradua y solicita pa trabou y momento cu a wordo acerca

pa subi un lista politico a bay te nr 20, haña sosten di pueblo, pa cu tempo yega nr 10”, di

acuerdo cu Jennifer Arends-Reyes.

Cu Endy Croes kier purba di difama y perhudica e comerciante cu su jiu ta politico of

purba crea un impresion robes pa purba intimida e Parlamentario, ta algo cu Jennifer

Arends-Reyes ta condena. Tambe e ta condena e “profesionalnan” cu ta traha na

companianan cu ta presta nan mes pa saca informacion confidencial di comerciante cu no

ta politico pa e weganan politico barata aki.

Nos pais lo ta bayendo mas ainda den direccion di dictadura y mas tristo ainda pa

politiconan intimida otro pa purba silencia otro. “Endy Croes mescos abo ta politico y no

bo famia, ban keda riba topiconan cu tin balor pa progreso di Aruba”, segun Arends-