Page 14 - AM200715
P. 14
14 AWEMainta Diaranson, 15 Juli 2020
Auto a pasa los varios tiro riba
cas den Dr Schaepmanstraat
DIALUNA anochi pasa di 9or, a drenta informacion
cu tin un tiramento na San Nicolas. Polis a sali pura
for di warda pa bay na Dr Schaepmanstraat. Na
yegada a atende cu esnan n’e cas. Ta un cas unda
hende conoci pa Polis ta biba.
Nan a splica cu ta dos tiro a los riba e cas. Un auto
shinishi parce a los e tironan. Polis presenta a
confirma e daño cometi p’e tironan.
A pidi presencia di Recherche y tambe a pidi presencia
di Cuerpo Tecnico di Polis. A cera e caminda riba un
distancia p’asina evita pasada di trafico. No por a
duna number di auto of otro indicacion. No a herida
ningun hende. Mas bien e perforacion a causa daño
n’e porta di glas na entrada.
