Page 13 - AWEMAINTA 21

Diasabra, 21 Maart 2020
Women’s Club of Aruba ta rindi
tributo na miembro Jeanne Ecury
AWEMainta 13
DIASABRA 14 di maart ultimo, Women’s Club of
Aruba (WCA) a tuma despedida di Johanna Mathea
Maria Ecury-Sijben, mihor conoci como Jeanne Ecury.
Na 2012, Jeanne a wordo instala como miembro di WCA
y tabata un boluntario dedica, un miembro cu hopi pa-
sion y amor pa su trabou den comunidad.
Durante añanan, Jeanne tabata miembro di diferente
directiva y comision manera, Comision di Salud, AIDS
Awareness y Dress a Child.
Tambe boluntariamente e tabata asisti Comision di Pro-
gram na porta ora di reunionnan general di miembrecia,
atendiendo un y tur cu su smile, pasenshi y un cordial
saludo di bon bini.
E tabata gusta e actividadnan di Study Group masha,
principalmente esnan di obra di man, pintamento, ya cu
e mes a bay varios curso di pintamento di maestronan
grandi di exterior y a participa na diferente exposicion
cu su pinturanan.
Aña pasa, el a culmina su trabou di boluntario den WCA,
aceptando e funcion di Chairman di Comision di Student
Awards cu tin como meta pa honra e mihor graduadonan
di nos pais.
Jeanne tabata den exterior pa su salud y ora cu el a bin
bek, nos tabatin e speransa di wak e bek na club, pero e
tabata den un lucha difícil pa su salud y finalmente dia
11 di maart, el a bay sosega na paz.
Nos ta desea su esposo Boy, su dos yiunan, nietonan,
su suegra, nos Life Member Paula Ecury y demas famia
hopi forza den e temponan difícil aki.
Jeanne, we zullen je missen!