Page 19 - LOTTO
P. 19
E grupo aki lo tin un compromiso grandi dentro di algun luna unda nan lo representa
Aruba den e di dos edicion di e Weganan Sur Americano Hubenil na Santiago de Chile. E
competencia na Peru lo sirbi como un preparacion extra pa e atletanan di mountain bike
cu lo competi den e ODESUR Hubenil. Mester bisa cu ya pa algun luna caba e seleccion
ta entrena pa varios ora pa siman y den forma intensivo. Mas cu claro nan lo mester
aclimatisa na e clima y haltura na Peru y despues tambe na Chile. No obstante di esaki,
nos seleccion lo duna bon bataya contra di miho coredornan di mountain bike hubenil den
e continente Suramericano. E seleccion di Aruba ta consisti di e coredornan Michelle van
Vliet cu lo core den e Pre Junior Women y Indy van Vliet cu lo core den e Pre Juniors
Men.
Hunto cu e atletanan lo biaha coach Gert van Vliet. Mester bisa aserca cu e hoben Luis
Cardona den e categoria Pre Junior Men lo join e ekipo como reserva. Un danki sigur na
Lotto, e Loteria di Aruba pa medio di Comision di Subsidio cu a yuda subsidia e biahe di
e delegacion hubenil di Mountain Bike pa e Copa America de Mountain Bike 2017 na
Peru. Cumprando weganan di Lotto, e Loteria di Aruba bo ta contribui na deporte riba
nos isla. Meta di e fundacion ta pa organisa loteria, cambia bida di su hungadonan y na
mes momento inverti den deporte local pa medio di donacionnan na e comision di
subsidio.
