Page 26 - DIARIO 17 SEPTEMBER 2021 COMPLETO.indd

PAGINA 26 DIARIO DIABIERNA 17 SEPTEMBER 2021
Fortaleza di Famia

Identifica bo mes

Skirbi pa: Pastoor Marcel Balootje

Den Mateo Capitulo 12 vers 50 Hesus ta bisa :
Pasobra ken cu haci e boluntad di Mi Tata cu ta den
cielo esey ta Mi ruman homber y ruman muher y
mama.
No tin splicacion mas bunita cu esaki, pa un hende
indentifica su mes como ruman di Hesus, mas ainda
nos tur sa cu tin gran beneficio den esaki ora nos por
identifica nos mes como ruman di Hesus.
Como ruman di Hesus, nos mester compronde awor
mas cu nunca , cu nos mester stima otro, nos no por
kibra otro, nos no por keda biba den pasado di otro,
nos mester duna otro un oportunidad mescos cu nos ta
desea pa nos mes, nos mester pordona otro, nos no por
trapa riba otro pa mustra nos grandesa. (1 Juan 4 vers
4 te cu 16)
Den e bida aki no tin un hende cu nunca no a haci un
fout, ora e fout ta scondi nos ta ataca otro, pasobra
segun nos ningun hende sa nos fout, pero locual nos ta
lubida ta , cu Dios, si conoce nos completamente, y
Dios mes lo saca tur cos na cla , pasobra tur locual
hende sembra nan ta cosecha,y ningun hende por gaña
Dios.
Ta dos banda tin, sea bo ta cu e bon of bo ta cu e
malo; Aunke a ta zona duro of bruto pero un hende
mes tin cu tuma nota na cual banda e ta ,pasobra
Amistad cu mundo ta enemistad cu Dios.
Awor den boluntad di Dios pa bo famia, no por tin
violencia domestico,yui cu ta rebeldia, y hisa man pa
su mama, ruman cu ta odia su propio ruman, tata cu no
kier pordona yiu, esey ta cos nan cu ta mustra nos
inmediatamente cu nos tin cos di arepenti , drecha, y
bira ruman di Hesus.
Hopi hende ta lubida principio nan di Bida y Famia,
cual ta e regla di oro pa e ser humano ta den boluntad
di Dios, y esey ta stima bo prohimo manera bo mes.
Saulo di Tarso den su ignorancia, aunke e tabata un
homber bon studia, bo por bisa e tabata un jurista, un
homber cu conoce ley y Saulo tabata usa esey pa per-
sigi cristiannan, den su presencia Esteban a wordo
Piedra y Saulo a consenti cu e esey. Pero despues di a
arepenti e a bira ruman di Hesus Cristo haciendo e
boluntad di e Tata, e mesun Saulo di Tarso a bira
Apostel Pablo, for di kende nos a ricibi casi 2/3 parti
di Testament Nobo pa nos por sinja for di dje. E amor
di Dios ta cambia bida di hende, ora nos arepenti.
E unico manera pa bo por indentifica bo mes como
ruman di Hesus Cristo ta door di haci e boluntad, di
Dios cual ta cuminsa cu e prome stap di entrega bo
bida na Señor abo y bo cas.