Page 9 - BLID - IMSAN

Mas di 200 persona a haci chekeo y a brinda cu awa

Publication: Friday, 13 March 2015. Categoria: General
Motivando cuido di riñon

ORANJESTAD (AAN): E team completo di ImSan, hunto cu partnernan concerni a tuma tempo
pa check presion, sucu y peso di tur cu tabata interesa y cu a acudi riba dia internacional di
riñon. Instituto Medico San Nicolas (ImSan) tabata e motor tras di e siman di riñon.
E mainta a ocnta cu asistencia di Jane Werleman, hefe di e Departamento di Dialyse hunto cu su
staf, dr. Garcia, nefrologo, dr. Falconi, internista, dr. Joel Rajnherc director di ImSan, hunto cu e
demas empleadonan pa conscientisa tur cu a atende e mainta di chekeo riba bon nutricion,
bebemento di awa, hacimento di ehercicio, cu e conclusion general cu cuido di riñonnan ta algo
cu ta den man di cada persona.
“Nos a corda tur esunnan presente pa uza menos salo, menos sucu, menos vet y percura pa inclui
fruta cu berdura tur dia den e dieet”, asina Tessa Mohamed a conta cu orguyo. Nutricion
saludabel ta e fundeshi pa yega na un bon presion di sanger.
Ta urgi comunidad pa tene cuenta riba e importancia di bebe awa y bebe awa tur dia, elimina
unda cu ta posibel bebidanan cu hopi sucu y corda riba consumo di salo. Mayoria pashent
tumando dialyse na Aruba ta procedente di diabetes y hipertension, debi na falta di debido
control. Control trempan y regularmente ta importante. Menos peso ta nifica menos chens pa
haya presion halto. Menos peso tambe ta reduci bo riesgo pa haya diabetes, problema di curason
y ader, problema di weso y ta preveni algun forma di cancer. Uzo di alcohol por subi bo presion.
Limita alcohol no mas cu 1 of 2 drinks pa dia.