Page 19 - AWEMAINTA

10 AWEMainta Diahuebs, 7 December 2017

Un despedida conmovedor pa Angelitonan

UN tristesa grandi a reina diaranson atardi den Misa Santa Teresita
na San Nicolas momento cu a hiba e angelitonan Rishandroh y Eu-
gene na nan ultimo luga di sosiego. Un misa yen di personanan tristo
pa e dolor cu e fayecimento di e dos criaturanan aki a laga atras mas
ainda e manera den cua nan a wordo ranca di e mundo aki.
Na e ocacion tristo aki, Prome Minister Evelyn Wever-Croes a duna
palabranan di encurashamento y fortalesa na famia di e dos cria-
turanan aki. E Premier un biaha mas a recorda tur esnan presente
y esnan cu a sigui e entiero na television of via medionan social cu
awor mas cu nunca nos mester uni como un comunidad pa e derecho
di tin un bida digno, un bida sigur cu miho oportunidadnan yena cu
amor y speransa.
E mandatario a conclui su discurso cortico cua el a considera e dis-
curso di mas dificil cu el a yega di duna, gradiciendo tur esnan pre-
sente y e comunidad di Aruba cu a uni cu e famia den e yamada di
gobierno pa tene e dia aki como un dia di luto pa convivi cu e famia
den e dolor grandi aki.
Por a mira cu tanto e wela como tata di e criaturanan fayeci no por
a wanta e dolor y mester a haya ayudo di Cruz Cora.