Page 5 - MIN ECEM
P. 5
AWEMainta Diahuebs, 24 Maart 2016 7
Saba ta sigui mehorá THE BOTTOM – Saba a demostrá un gran prestacion
“Saba a duna un birando e promé entidad público cu a ricibí un declaracion
tremendo prestashon” positivo di acountant p’e cuenta anual di 2014.
“Un prestacion formidabel”, asina Presidente di Cft, Age
Segun Age Bakker (Cft) Bakker, a concluí. E impresion di Cft cu e maneho financiero
a mehorá considerablemente e último añanan, a keda
confirmá di e forma aki.
Awor ta importante p’e entidad público continuá riba e
caminda aki y sigui mantené su maneho financiero na òrdo.
Colegio di supervision financiero Bonaire, Sint Eustatius y
Saba (Cft) a papia dia 18 di maart cu Gezaghèber y Conseho
Insular di Saba. No a trata solamente e cuenta anual di 2014
y e presupuestonan di 2015 y 2016, pero tambe a papia en
extenso tocante di e situacion económico general di Saba.
Lo haci inversionnan substancial na Saba den aña 2016,
entre otro pasobra Ministerionan na Hulanda a pone
medionan financiero disponibel p’e fin ey.
Banda di esaki Conseho Insular a indicá cu e crea mas
espacio p’e por ehecutá su propio deseonan di maneho
tambe, p’asina ey fortificá e structura social y económico
di Saba.
Ya pa algun aña Saba ta ehecutando su presupuesto
den un forma stabil. Tambe a mehorá e maneho
financiero.
Di e forma aki Saba a logra ricibí un declaracion
positivo di acountant p’e cuenta anual di 2014.
A base di e ehecucion presupuestario cu ta duna
confianza, Minister di Asunto Interior y Relacion den
Reino a dicidí di pone USD 0.6 mion disponibel n’e
entidad público pa mehorá structuralmente Saba su
posicion di likides.
Na opinion di e Conseho Insular, e presupuesto di Saba
ta brinda mucho tiki espacio pa escogonan di maneho.
E gastonan di personal y e tareanan obligatorio cu
ta cay bou di e responsabilidad di e entidad público
ta tuma mayoria di e espacio disponibel riba e
presupuesto.
E entidad público ta hibando combersacion cu
Ministerio di Asunto Interior y Relacion den Reino pa
mira te con leu por utilisá e medionan den un forma
mas eficiente.
Tambe ta deliberando cu Hulanda tocante follow-up
riba e rapòrt di Comision Spies y e estudio di referencia
di e büró di investigacion Ideeversa riba e nivel di
provision p’e entidadnan público.
Aunke por invertí masha poco espacio p’e maneho
propio, tòg e inversionnan na Saba a subi bastante,
ya cu a pone disponibel pagonan special y fiansanan
liber di interes.
Por ehèmpel lo invertí den 2016 e.o. den mantencion
di e caminda pa bay haf y tambe lo cuminsá construí
un Parke Solar.
E inversionnan aki tin un efecto positivo riba e
infrastructura di e entidad público y tambe nan lo crea
e condicionnan necesario pa actividat económico mas
fuerte na Saba.
