Page 18 - ARUBA AIRLINES

Blokeo aereo y maritmo total atrobe

entre Venezuela y islanan ABC

Posted on 03/8/2018 2:56 pm AST | Updated on 03/8/2018 4:50 pm AST

CARACAS/ORANJESTAD – E Instituto Nacional di Aeronáutica Civil Venezolana
(INAC) a implementa un bloke total entre Venezuela y islanan ABC atrobe diahuebs.
Esaki ta mescos cu e blokeo completo cu a anuncia na comienso di e aña aki, esta dia 4 di
januari 2018. Despues a suaviza e situacion unda cu a pone un excepcion pa esnan cu
tabata haci transito solamente entre e islanan, of si tabata traslada personanan di
nacionalidad (paspoort) Hulandes. E excepcion ey awe a keda elimina tambe, pues por
papia di un bloke total atrobe. Fuentenan cerca di autoridad Venezolano a confirma esaki
pa e portal aki awe merdia, pero no por a bisa pakico a haci e cambio aki awe (diahuebs).
E medida aki a keda anuncia na tur esnan envolvi un dia anterior, y ta valido te proximo
aviso. E ta afecta tur boto, avion tanto priva como comercial entre e islanan ABC y
Venezuela.

PEGA

E problema ta cu tin varios pasahero na Miami cu mester a biaha pa Venezuela via
Aruba, pero cu ta pega eynan awor y ta wardando ki anuncio e aerolineanan lo haci al
respecto.

ANUNCIO

Por corda e prome anuncio di e presidente Venezolano, indicando cu a tuma e paso ey, pa
frustra e ‘profileracion di mafia terible contra e economia di Venezuela’. Un intento entre
e paisnan en cuestion dos siman despues no a conduci na nada concreto. Hulanda a