Page 39 - KPA OCT 30, 2015
P. 39
Reportero di website gara cu droga y atributonan pa huma na pia di
Hooiberg
Thursday, 29 October 2015 23:51
Comparti
Diahuebs anochi autoridad tabata haciendo un control den e area di Hooiberg. A constata un Mitsubishi
Lancer color blanco den forma sospechoso. E tabata tin un number di carton tur mal traha tambe.
Ora cu a baha pa mira a resulta cu ta un homber tabata den auto. El a bira fresco cu Polis tambe. Polis a
reconoce como R.L. cu ta reportero di un website di suseso. Su tata ta doño di e website y e yiu ta yude.
Kiko a pone cu e yiu a cay den uso di droga no ta conoci. Mirando e actuacion sospechoso y frescura
contra polis, mesora autoridad a sinti cu tin algo di sconde. Asina a bin descubri e droga, a descubri varios
cos mas pa huma droga y pochi special pa sefta of mula e droga. A bai cune warda cu man geboei patras di
lomba. E auto a keda confisca y tur e porkerianan cu e tabata tin pa usa e droga. Ta wordo papia cu tabata
tin dos hende mas aparentemente pero polis no a topa cu nan. Nan lo a perde den sero di Hooiberg.
