Page 5 - KPA OCT 30, 2015

6 AWEMainta Diabierna, 30 Oktober 2015

Gobierno ta
laat atrobe cu
presupuesto 2016

Ta buscando otro confrontacion?

LIDER di MEP, mr. Evelyn Wever-Croes durante conferencia di prensa di

MEP tabata bastante critico riba e mal maneho financiero di e Gobierno aki.
“Mike Eman no ta siña su les. Ni despues di KB, ni despues di su welga di
hamber, ainda e no por asumi su responsabilidad y manda e presupuesto na
ora Parlamento. Nos a ricibi un concepto preliminario di e presupuesto 2016,
pero esun definitivo cu mester a yega Parlamento dia 1 di september, no a
yega ainda. E conseho di CAFT riba dje tampoco y tampoco Raad van Advies.

“Ami no ta compronde dicon Mike Eman ta firma un protocol den cual e ta
priminti cielo y tera, despues e ta bin Parlamento pa defende un ley di CAFT

den cual e ta mara su mes na man cu pia, y despues
tog e ta keda sin cumpli cun’e.
Un persona cu no por tene su palabra, un persona cu
no ta cumpli cu su propio palabracion y ley, ta con bo
por confia un persona asina?
Mientrastanto nan ta sigi aumenta e debe nacional,
nan ta sigi malgasta placa na Green Conference y
biahamento, y pueblo ta sufri debi p’e mal maneho.
E situacion aki no ta sano pa nos pais, y e no ta husto pa
nos pueblo. Ningun hende no sa mas kico ta bay pasa y
asina inversionistanan no ta bin nos pais mas tampoco.

Mi ta spera cu e doñonan di AVP papia cu Mike Eman
si, pasobra tur cos ta mustra cu e ta buscando un otro
confrontacion cu Hulanda, y si esey pasa, mi ta spera
cu e doñonan di AVP percura p’e no bolbe bergonsa
nos pais cu welga di hamber y bay yora na television
nacional. Pasobra e berguensa cu el’a pone henter
pueblo pasa, ainda nos no a lubid’e.
Ta danki n’e comportacion bergonsoso aki, den Tweede
Kamer nan no tin ningun respet mas pa Aruba”, segun
lider di MEP Evelyn Wever-Croes.

Hombernan
desconoci ta bati na
porta di anciana

CENTRAL a haya informacion diaranson 10.25, na

un cas na Montaña, pa algun persona sospechoso.
N’e cas muhe L. di 80 aña ta bisa cu un rato prome
el a mira tres homber ta mira over di su cura y ta
comporta sospechoso. Pa precaucion, el a yama Polis.
E sospechosonan n’e momento ey, no tabata mas
eynan. Si nan bolbe, e señora lo yama Polis bek.