Page 48 - MIN ARENDS
P. 48
MEO atrobe a gara cargacion grandi di
cerbes caduca na Corsou
Posted on 06/7/2017 10:43 am AST | Updated on 06/7/2017 6:14 pm AST
WILLEMSTAD – Autoridad na Corsou (MEO) a confisca cargamento grandi di
cerbes y refresco caduca na Corsou awe mainta. Hefe di MEO
(Ministerie Economische Ontwikkeling) cu ta e grupo di autoridad cu ta e.o. haci
control riba e.o. producto cu fecha venci, Ronny Cornelis a confirma esaki awe
mainta pa NoticiaCla. Ta informacion confirma di siman pasa a conduci na
confiscacion awe mainta d e productonan por mayor na Industrie Park na
Brievengat. A bin descubri cu nan tabata entrega e productonan caduca na nan
clientenan.
PRODUCTONAN CADUCA
Entre productonan caduca, tin cerbes Zulia (total di 5.400 caha di 300 milliliter) cu a
caduca, Heineken (75 caha di 650 milliliter) y blekinan di Peregrino (96 caha di 33
milliliter). Siman pasa Cornelis a pone nan ‘onder bewaring’ pa awe mainta nan bin
confisca tur e productonan aki y wordo destrui na landfill conforme regla.
MAS PRODUCTO GARA
Tabatin mas producto gara ayera, pero e biaha aki ta trata di cuminda. Entre nan a gara
cabaron, filet di galiña, pisca, pita bread. Na tur 1020 kilo di producto cu fecha venci. E
schrimp por ehempel ta for di 2011 pa 2013 cu nan a vence. Nan tabata ketobay den e
container, hunto cu productonan cu si tabata ok pa bende. A saca tur esnan cu ta
productonan venci.
