Page 31 - AVP
P. 31
Tambe nan ta bisa cu Gobierno ta dispuesto pa bini cu un adaptacion di reglamentacion y
maneho pa otorga un dia liber extra na cada empleado publico y gelijkgestelden, cu por
wordo duna dia e empleado haci aña y pa e maestronan e por ta riba Dia di Maestro cu ta
cay casi den herfstvakantie. E balor di esaki lo ta 0,4%. Pues e porcentahe cu Gobierno ta
ofrece en total ta 1%, pero cuminsando na 2025
Banda di esaki ta bay instala un comision di trabou mixto cu mester studia, teniendo
cuenta cu e cuadro financiero, yega na proposicionnan pa crea e opcion pa baha cu
pensioen mas tempran pa trabounan cu ta wordo considera extra pisa.
Y hunto cu Sindicato mester studia un sistema pa trece un balansa entre trabou y bida
familiar, pa medio di flexibilidad di trabou.
Gobierno a propone pa reuni aki dos siman riba e tema aki bek. Pero por a compronde cu
e sindicatonan ta reuni dialuna atardi y anochi cu miembronan y despues lo trata di sinrta
mas lihe posibel na mesa cu Gobierno.
