Page 13 - bon-dia-aruba-20230131

A13
BISHITA REAL Diamars 31 Januari 2023

Famia Real a keda encanta cu e bon bini cu muchanan di Aruba a duna nan

Pasa di 10.30 di mainta,
rey Willem-Alexander
acompaña di reina
Maxima y nan yiu,
Prinses Amalia a yega
na Wilhelmina Park
pa asina cuminsa nan
bishita na Aruba, cu ta
caba awe den oranan
di atardi cu e Bon Bini
Aruba Festival na Plasa
Padu y na Fort Zout-
man.

E muchanan tabata es-
unnan di mas emociona
pa wak e reynan pasa y
cuminda nan. Mas di mil
mucha perteneciente na
varios scol rond di Aruba
a congrega dilanti Par-
lamento y Bestuurskan-
toor pa ricibi e rey, reina
y prinses, kendenan a haci
un caminata for di Wil-
helmina Park acompaña
di su Excelencia Gober-
nador di Aruba Alfonso
Boekhoudt, e comision
di Bishita Real, protocol
di seguridad y e diferente
marinier cu tambe tabata
presente.

Igualmente, otro 180
mucha cu ta conforma
Leerorkest Aruba a tene e
honor di toca nan instru-
ment pa Famia Real unda
nan a keda hopi encanta cu
e actuacion di e muchan-
an aki, siguientemente e
grupo di Muchanan Sabi
bao direccion di Edselyn
Figaroa tambe tene un
presentacion cu canto y
baile pa finalisa cu un can-
tica di Aruba su carnaval ta
campeon.

Despues e Famia Real a
drenta na Bestuurskantoor
acompaña di Secretaria
di Estado Alexandra van
Huffelen, Prome Minis-
ter Evelyn Wever-Croes,
ministernan y comite pa
asina ey tene un reunion
cu e gabinete di minister.