Page 10 - ARUBA BANK
P. 10
ekipo, forma pa trahadonan. Un di e trahadornan, Ronald “Nachi”
Dorsiel, hefe di siguridad di e banco, den un wega contra su mesun yiu
na e otro banda, a sak den otro y fayece riba beach.
E noticia aki a shock henter e banco y famia di Ronald Dorsiel, di 54
aña di edad naci na Curacao, pasobra e tabatin algun siman caba ta
train pa e competencia aki. Diabierna ainda nan tabata haci chansa
cune den banco, si e ta cla pa competi contra tur e hobennan. No ta
conoci si e por tin cualkier complicacion di salud, cu a conduci na un
ataca diripiente, cu a caba cu su bida. For di momento cu el a sac den
otro, eybou mes tabata tin algun hende cu conocimento medico cu a
cuminsa reanima mesora. Tambe Polis a wordo avisa. paramediconan
a yega cu dos unidad di ambulance y tambe un rapid responder. A haci
ur esfuerzo pa purba rebiba e victima riba beach. Esaki no a logra.
Eynan mes dokter Wijngaarde a constata morto algo prome cu 5or.
Famianan a yega riba beach y tabata rond di Nachi pendiente yegada
di e funeraria. E competencia a para tambe net den su fase final riba di
tres dia. Na su señora, yiunan, famia y na tur su coleganan di banco,
ta bay nos palabranan di profundo condolencia.
