Page 11 - CMB

Grant Thornton Aruba a ripara cu ainda tin organisacionan cu mester ayudo pa por cumpli cu e ley aki, ja cu e
tereno di “Compliance” ta uno complica. Grant Thornton Aruba a compila un paar di actividadnan na unda por
yuda companianan cu esaki. Grant Thornton Aruba ta brinda e servicio di ayudo cu:
Risico di organisacion, strategia di compliance y documentacion

Formula manual di procedura
Hasi un asseso di compliance independiente y duna recomendacion pa mehoracion
Formula y implementa un software pa Customer Due Dilligence y Risk Assessment

Duna training pa bo empleado nan ariba e topico di “AML/CFT Compliance”

Grant Thornton Aruba y su partner Qualogy a traha ariba un software cu lo facilita e proceso di Customer Due
Dilligence y Risk Assessment den bo organisacion. E software aki a wordo traha a base di e rekisitonan di e
ley di AML/CFT. Durante e seminario Giacomo Petrocthi y Shelby Maduro a presenta e diferente aspecto di e

ley di AML/CFT y con pa aplica esaki den bo organisacion. Ademas a duna un splicacion di e servicionan cu
Grant Thornton Aruba por duna ariba e tereno aki.
Ademas di esaki Thayisa Farro di e departamento di Tax na Grant Thornton Aruba a duna un presentacion di e

cambionan den impuesto cu a tuma lugar na 2019. Nicole Duyvelshoff a sigui na duna un elaboracion ariba e
posibel cambionan cu lo por pasa den 2020 ariba e tereno di impuesto. Na final Hans Ruiter a duna tur presente
un paar di tips cu por wordo aplica prome cu aña termina.
Pa mas informacion tocante e servicio nobo di “Compliance” por tuma contacto cu Grant Thornton Aruba na
+297 522 1647 of por manda un email na info@aw.gt.com. Si tin cualkier pregunta ariba e parti di impuesto

tambe por tuma contacto cu nos via telefoon of email.