Page 30 - MIN ARENDS FLIP 5th JUNE 2017

Oficina Central di Estadistica ta check prijs tur luna den
mayoria di tienda

Sunday, 04 June 2017 12:06
Comparti

Tin biaha nos kier haya un splicacion di parti di Oficina Central di Estadistica, con precies nan ta calcula indice di
prijs entre otro. Nan ta hasta saca boletin riba esaki.

Hasta comentarionan ta wordo haci den pueblo riba esaki. Tin un area den comunidad cu ta vigila nan.

Leonardo da Silva kende ta hefe di business statistics di Oficina Central di Estadistica, ta splica cu un biaha pa luna
nan ta saca un boletin den prensa cu ta indica subida of caida den prijs na Aruba.

Con nan ta calcul'e

Da Silva a splica cu nan tin un macutu fiho cu ta neem waar e prijs. Ta bay check prijsnan tur luna na mayoria di
tienda, esta esunnan cu ta resulta cu mester bishita. Esey ta bin door di un estudio cu ta haci cu ta yama e budget
onderzoek. Ta bay na cas di hende y ta bay averigua pa un periodo di dos siman mas of menos, kico nan gastonan
tabata, unda nan a gasta nan placa y kico nan entrada tabata. A base di un investigacion asina, por indica pa Aruba
kico e gastonan ta, na unda e hendenan ta gasta nan placa. Esey ta bay determina e peso di e productonan. Si un prijs
di un producto subi, y e gasto en general di Aruba, no ta wordo gasta hopi riba dje, e ora no tin hopi efecto e ora den
inflacion. Na momento cu un producto cu prijs subi of baha, hopi placa ta wordo uza na dje, por ehempel awa y
gasolin, e ora ta nota di biaha cu tin un efecto grandi riba e cifra.

E budget aki ta hopi importante pa determina e productonan, cual ta bay check den e negoshinan. Eseynan ta loke ta
bay sigui monitorea tur luna.

Ken ta haci uzo di dje

CPI ta afecta tur hende, tur hende cu ta biba na Aruba, cu ta gasta placa, e ta afecta e personanan aki. Gobierno ta
haci uzo di dje dimes y partidonan pa haci hopi politica. Ademas tin studiante y publico en general ta haci uzo di e
cifra aki pa por ehempel, negosha e CAOnan. Sindicato ta uz'e y doñonan di trabao tambe, pa ahusta salarionan. Bo
ta mira tambe cu huur, esta pa primanan di huur tambe ta haci uzo di dje, pa ahusta primanan di seguro, pensioen.
Tin biaha alimentacion y mantencion di yiu tambe nan ta uza e cifranan aki, pa bisa cu e bida a bira mas caro, mester
ahusta loke e cifranan cu ta haya pa sobrevivi.