Page 14 - AWEMAINTA

14 AWEMainta Diamars, 22 Augustus 2017

E Prome Formacion Militar (EMV) pa

Milicia di Corsou y Aruba a cuminsa

DIALUNA mainta, un grupo di 67 mucha homber a meld na
entrada di Marinekazerne di Suffisant.
Ta e comienso di e Prome Formacion Militar (EMV) pa Milicia
di Corsou y Aruba.
Den un tempo di casi 11 luna, e 67 hoben nan aki lo comberti
den milisiènnan di Aruba (30) y Corsou (37).

Prome cu a cuminsa EMV, e hobennan aki a pasa den procedura
di keur y seleccion extenso. Esaki a consisti di testnan di landa,
idioma Hulandes y e Prueba di Condicion di Defensa.
Na e delaster prueba, e rekesitonan ta (1) core duro minimal
2400 meter den 12 minuut, (2) pushup minimal 20 biaha y (3)
minimal 30 sit ups. Di 118 mucha homber cu a inscribi.
67 a pasa e seleccion cu exito. Yen di curashi y confiansa nan lo
bay cuminsa cu e EMV.

E 11 luna nan di EMV ta consisti di 3 fase. E prome fase lo ta
esun elemental.
“Skills and drills” lo ta riba un nivel individual y ta para central.
Milisiènnan den opleiding ta siña di rango y posicion on pero
tambe siña yuda bo mes y bo camaradanan.
Tambe na ta haya disciplina militar y e hobennan ta siña e uzo di
arma. For di e fase aki ta drenta e parti di opleiding pa combate.
E di tres y ultimo fase ta e parti di viglancia y seguridad.

Banda di EMV, tambe tin 4 hoben cu a bini pa e Opleiding
Praktiko pa Officier di Milisia di Corsou (POTOC). E grupo aki
tambe tin un opleiding intensivo di 11 luna ta warda nan.
E training aki ta hopi particular pa motibo un gran parti ta tuma
luga na Hulanda.

Formacion (social), e tareanan di vigilancia y seguridat, mas y mas
ta dirigi su mes riba trabounan militar operashonal. Milisiènnan
ta tuma parti na ehersisio nan pafo di Corsou, ta keda envolvi
den dunamento di asistencia militar den Caribe y ta train hunto
cu Cuerpo Policial y VKC. E yiunan di tera aki, ta papia e idi-
oma local, ta compronde e cultura e situacion climatologico y
geografico mucho mas miho cu e militar Hulandes nan. Esaki
sigur ta di un balor agrega na momento di training y asistencia.