Page 64 - AHATA

For di Hulanda den ultimo dianan a yega informacion cu Conseho di Minister di Reino ya

caba a prepara un posibel ‘aanwijzing’ pa Gabinete Wever Croes, cu simplemente no kier

cumpli cu promesanan haci na tanto CFT como gobierno di Reino, pa loke ta su maneho

financiero.

Lider di fraccion di AVP, sr Marlon Sneek a mustra cu tin un contraste grandi pa loke ta

pasando tanto na Hulanda cu e situacion di gobierno aki na Aruba, ya cu mientras cu ta

sigui insisti cu gobierno di Prome Minister Evelyn Wever Croes no ta cumpliendo cu

normanan cu nan mes a bay di acuerdo y hasta a propone den un protocol.

“Nunca antes pais Aruba y hasta den henter Reino Hulandes, a yega di conoce un

gobierno cu ta troce su propio palabra di honor duna, caminda na cabes di e proceso aki,

tin e lider indiscuti di gañamento, esta Premier Evelyn Wevr Croes. Informacion di

ultimo dianan aki for di Hulanda, ta mustra cu e concepto pa un aanwijzing diabierna
awor pa Gabinete Wever Croes ya ta cla y ta keda na Prome Minister di Aruba convence

Hulanda pa no bin cu esaki.

Sinembargo na momento cu ya a cumpli un aña cu Prome Minister Wever Croes y

Minister di Finansa Xiomara Ruiz Maduro a firma un protocol cu gobierno di Hulanda pa
pasonan cu mester wordo tuma pa sigura un miho maneho di e situacion financiero di

Aruba, Hulanda ta constata cu net nada a wordo haci y al contrario, e maneho financiero

di e gobierno di coalicion, ta bay den rumbo robes. En realidad por conclui cu Hulanda ta

mirando cu practicamente e gobierno di Evelyn no tin maneho financiero, no ta tene su

mes na su propio vision di baha gastonan di e aparato di gobierno y na luga di haci esaki,

e gastonan ta sigui aumenta. Loke ta haci e situacion hopi mas serio ta e hecho cu