Page 22 - ARUBA BANK

entre otro door di corta den e gastonan exorbitante di Gabinete Eman: A elimina e mas di 300
coordinadornan cu partijdiploma cu tabata gana un averahe di 9000 florin pa luna, a elimina e
gastonan di companianan di mercadeo y propaganda miyonario, a elimina e gastonan di huur di
edificionan cu ta para bashi, a corta den e gastonan di conseheronan cu ta gana sumanan
miyonario y otronan cu ta gana 25 mil florin pa luna sin ta traha, a elimina gastonan di auto di

huur cu ta core rond cu sticker di AVP etc. etc. Y siguramente e aña aki dia 1 di september lo
no bay tin celebracion di cumpleaños di un Prome minister cu ta costa 142 mil florin riba custia
di pueblo.

Medidanan di e gobierno anterior
Pero si mester papia di medidanan, lo ta bon pa recorda sr. Arends y sra. Wyatt-Ras cualnan ta
e medidanan cu nan partido a impone durante 8 aña. Echo ta cu AVP a percura pa aumenta e
prima di AOV na 2014 y 2015, a introduci BAZV na 2014, a aumenta e edad di pensioen te 65
aña, a introduci Franchise y Middelloonregeling pa e ambtenaarnan y a reduci e Duurtetoeslag,
a kita Bashi Premie y Gelijk Bedrag di pensionadonan, a aumenta Room tax, Timeshare tax,

accijnzen, invoerrechten, inkomstenbelasting, grondbelasting, schoolgeld, collegegeld, tarifa di
bus, prijs di coriente, pago pa recoge sushi y parkeer auto, a corta drasticamente den subsidio
di fundacionnan y asina por sigui menciona mas medida cruel imponi riba lomba di pueblo. Anto
ainda e politiconan aki tin e curashi di papia di imponemento di medida door di e gobierno

actual? Boso bay wak boso cara den spiel prome!

Mas di 1 biyon florin na BBO y BAZV
Alabes mester recorda e politiconan aki cu durante henter e campaña pa eleccion 2009, nan
lider a priminti cu e lo elimina e BBO di 3% ‘from day one’ cu AVP drenta gobierno. Pero na
lugar di elimina e BBO completamente, partido AVP a percura mediante di introduccion di un

BAZV pa aumenta esaki te na 3.5%. Claramente esaki tambe ta un medida cu AVP a impone
riba lomba di pueblo, esta bo no a elimin’e, pero a sigui cobr’e y probecha di dje si.
Pa por haya un bista cuanto placa di BBO y BAZV e gobierno di AVP a haya, den e tabel
adhunto por mira cu durante 2010 te cu 2016, Gabinete Eman a ricibi un total di 842 miyon

florin na BBO y 207 miyon na BAZV. Pues den total 1048 miyon florin, esta mas di 1 Biyon
florin! Anto si conta e sumanan di 2017 cu oficialmente no ta disponibel ainda, siguramente lo
mester conta un 200 miyon florin extra! Pues aki por mira claramente con un partido manera
AVP cu a demoniza BBO, tabata esun cu mas a probecha di e BBO aki.

Finalmente, tur e declaracionnan di Richard y Mervin pa loke ta supuesto medidanan di e

gobierno actual por sali solamente for di mente di hendenan cu nan consenshi ta remorde pa