Page 10 - ATA

Aña pasa, den cuadro cu e torneo na Hulanda, e asociacion di minusvalidonan di golf a
haci donacion di un handycart na ATA pa wordo uza na Tierra del Sol. E paragolfer, ta
yuda hendenan cu deshabilidadnan fisico, pa para straight durante golf. Aruba ta e
prome pais den Caribe pa ricibi un handycart pa uzo permanente. Esaki ta un bon
ocasion pa haya un tayer tambe pa atleta y stakeholdernan local, pa introduci e
concepto aki tambe. Ta un bunita momento pa por uni atletanan internacional cu
atletanan local, pa comparti e oportunidad aki hunto. Esey ta loke Aruba ta. Sigur ta
look forward pa introduci cosnan nobo na un y tur, como un isla feliz y e bunita cos cu
por, como balor agrega, pa trece hunto atletanan local y internacional. A haci’e den
eventonan previo y ta contento di a haci esaki awe tambe.

Elton Barber ta un di e personanan cu ta envolvi den e prome torneo di golf pa
atletanan minusvalido. El a splica cu e wega di golf lo ta creciendo na Aruba. Nos tin
nos propio atletanan local sinta den e paragolfer, e handycart, pa prome biaha, cual ta
un bista maraviyoso.

Tabata un honor pa Mark Tempelman, pa ATA como Aruba, pa sostene e iniciativa aki
pa esnan minusvalido na Hulanda. E tabata hopi entusiasmo pa mira un grupo di 20 pa
22 hoben, pasobra ta pa prome biaha nan ta bay hunga golf. Pa hopi tempo a traha
riba e proyecto aki di paragolfer y ta un orguyo pa mira atletanan minusvalido hunga
golf. Weganan a inicia ayera y lo sigui awe na Divi Links.