Page 20 - ATA

Hotelnan ta mal contento cu maneho di beach policy

Wednesday, 03 May 2017 18:37
Comparti

Tin di compronde cu abogado Ronny Wix lo ta representando un grupo cu ta representa algun hotel. Tin
un mal contento relaciona cu maneho di beach policy. Abogado Wix a conta kico e ta y con leu e ta
bayendo. Gobierno actual a cuminsa eherce e beach policy y un party di e beach policy ta encera cu nan ta
bay cobra e hotelnan pa pone nan stoel y nan palapa riba beach publico.

Tin diferente hotel cu a paga, segun Wix. Pero e mayoria di e hotelnan no ta di acuerdo cu e idea cu
Gobierno por cobra nan pa haci uzo di e beach publico cu tur otro hende por uza gratis. Tambe, nan no ta
di acuerdo tampoco cu e manera cu Gobierno ta calcula e cobransa di e precario. Un ehempel ta cu
Gobierno lo cobra 135 florin pa meter cuadra y ta di opinion cu cada stoel cu pone riba beach ta tuma 4
meter cuadra den beslag, cu ta trece un total di 540 florin pa aña pa cada stoel. Riba e manera cu nan a
calcul’e, tin hopi desacuerdo, malcontento y esey tambe awor aki nan a haci bezwaar contra e cobransa di
precario. Nan ta haya cu esey no por, segun nan opinion y si acaso mes cu ta asina cu nan tin e derecho
pa cobra e precario, e ora ey un grupo di hotel basta grandi ta di opinion cu nan no por cobra e tarifa cu
nan kier cobra awor aki, cual tarifa ta hopi mas abao. Esey ta e discusion actual. E tin un bezwaarschrift
door cu ta un caso administrativo. Hasta riba esey un discusion cu si e caso ta administrativo of ta un
caso fiscal. Hues lo tin cu dicta esey despues. Si e ta un caso fiscal, ley ta tin e leynan di belasting. Si ta un
caso administrativo e leynan di LAR ta wordo aplica. Pero riba e puntonan ey, hotelnan mayoria di nan, a
haci bezwaar awor aki y e bezwaarschift, como cu e ta un caso administrativo, ta tuma hopi tempo y
eseynan ta coriendo awor aki. Recientemente Gobierno a manda notifica e hotelnan cu a haci bezwaar cu
nan ta haya te dia 1 di Mei, pa nan paga e precario riba e aña 2016 y nan ta haya te dia 1 di Mei pa nan
aplica pa un precario, un vergunning pa 2017. Gobierno a pone den e carta tambe cu si nan no paga 2016
pa dia 1 di mei, ta uza forsa administrativo.

Esey kiermen cu nan lo subi cu polis riba beach y cuminsa kita stoel y palapa for di riba beach. No por
imagina cu Gobierno lo bay haci e cos aki cu industria di turismo na Aruba, pero loke a pasa ta cu e
hotelnan a entrega un peticion pa un caso sumario pa pidi hues pa prohibi Gobierno pa uza forsa
administrativo te ora cu huesnan dicidi den e caso principal. Entre tanto Gobierno a duna di conoce si cu
esey no ta nan intencion, uza forsa contra e hobelnan. Nan a notifica corte tambe di esey cu nan no ta bay
haci uzo di forsa administrativo, te ora cu tin un sentencia di hues. Manera cu e situacion ta awor aki, tur
e casonan sumario lo wordo retira na e momento cu e parti aki bira mas duidelijk pa tur hende. En todo
caso, dia 1 di Mei a yega, y no tin ningun incidente cu e abogado sa di dje. Segun Wix, cada hotel ta dicidi
pa nan mes si nan ta paga. Tur tin nan argumento den e bodemprocedure. Sa cu como hecho tin algun
hotel cu nan ta di opinion cu nan no mester paga. Tin otro di acuerdo cu mester paga, pero no asina hopi.
Argumentonan ta varia riba e punto ey. Wix no por bisa sin mas cu nan ta dispuesto pa paga, pasobra
cada hotel tin nan defensa riba e punto ey.

http://www.24ora.com/index.php?option=com_content&view=article&id=121418:hotelnan-ta-mal-
contento-cu-maneho-di-beach-policy&catid=1:local&Itemid=5