Page 5 - MIN VOS 9 MAART 2016

Mantencion di edificio di ex centro medico lo ta tumando
luga den e proximo lunanan

Tuesday, 08 March 2016 19:49
Tweet
Comparti

E edificio di ex Centro Medico ta cera y DOW lo bay ta renobando esaki. Segun director di e
departamento, Marlon Croes a splica cu tin dos departamento ubica den dje mas un instancia mas. Nan
ta Sociale Zaken y Dienst Natuur en Milieu y e edificio falta mantencion y esey ambos departamento a
señala esey den transcurso di 2015.

A base di esaki DOW a haci un calculacion di e trabaonan cu tin cu wordo haci y a traha un documento a
base di cual a tene un destaho publico den transcurso di fin di aña. A base di e destaho un contratista a
wordo scogi cu a bin cu un oferta atractivo pa gobierno y esey a wordo otorga a dje. Pa e temporada cu ta
bin aki, tin cu reloca e dos departamentonan aki na un otro luga pa nan sigui opera y tambe tur otro
instancia cu por tabata eyden pa reloca nan tambe pa por bay traha full fledged riba e edificio aki. Ta
trata aki di cambiamento di plafond, parti electrico, airco, tegels, verfmento. Tur esakinan ta bay tuma
luga den e proximo lunanan cu lo bay bin. A otorga e trabao fin di aña y naturalmente kier cuminsa cu e
trabao mas lihe posibel. Pero tabata tin algun obstaculo den reloca e departamentonan y ta mustra cu
den claridad awor aki, cu por soluciona esey pronto, den e proximo simannan aki, pa asina e trabaonan
por inicia. E departamento ta haci kehonan na Departamento di Infrastructura y Planificacion y como
DOW ta ricibi e señalnan ey pa bay wak e trabao y prepar’e. E edificio ta den un estado cu no ta den bon
mantencion. E intencion ta pa drech’e, pone den bon condicion bek pa e por sigui opera.

http://www.24ora.com/local-mainmenu-5/106159-mantencion-di-edificio-di-ex-centro-medico-lo-ta-
tumando-luga-den-e-proximo-lunanan