Page 55 - MIN JUS_Neat

Eman: Antes PG tabata haya orden di

ken persigui y ken no

Posted on 05/2/2017 5:47 pm AST | Updated on 05/3/2017 12:53 am AST

ORANJESTAD – Durante gobernacion di otro signatura, refiriendo na signatura di MEP,
procurador general tabata haya orden di ken persigui y ken no persigui. Asina prome
minister Mike Eman a bisa diamars den Parlamento durante e reunion riba e situacion di
minister Paul Croes. Segun Eman, nan (gobierno actual) a mira e pruebanan di e loke
tabata sosode unda cu tabata duna orden ken pa persigui. “Nos a mira e cartanan” Eman a
sigura esnan den Parlamento. Algo cu aworaki no por pasobra cu e pueblo a vota na 2009
pa un cambio di rumbo. “Caminda husticia no ta conta pa un y no ta conta p'e otro” Eman
a sigui bisa. E tabata purba mustra durante su presentacion diamars, cu contrario na
gobierno di MEP, no tin favoritismo ora cu ta trata di asuntonan di husticia.

http://www.noticiacla.com/news/9474