Page 61 - MIN JUS_Neat

Minister Dowers ta spera cu pueblo no hinca su confianza
den hendenan manera esunnan di MEP

Tuesday, 02 May 2017 19:40
Comparti

Tabata tin un reunion den Parlamento pa loke ta trata e tema di minister Paul Croes, caminda cu kier
claridad aden y tambe fraccion di AVP a trata e parti di crimen organisa.

Minister presidente y minister di Husticia, Arthur Dowers tabata tey presente.

Minister Dowers a menciona cu nan a wordo yama den staten pa papia riba e situacion di nan colega,
Paul Croes. E ta haya straño pasobra Partido MEP ta hopi inconsistente den nan ponencianan como kiera
cu dos siman pasa a papia di criminalidad y a papia ampliamente completamente riba nan colega sr.
Croes y diamars cu e reunion cu a wordo yama, cu ta trata sr. Croes, no kier papia riba criminalidad,
pasobra segun nan, no por combina e dos temanan aki, siendo cu siman a pase. Sr. Bikker ta mesun cos,
door di crea impresion di e reunion aki cu ta bay over di sr. Paul Croes. E reunion aki ta trata di politica
barata. Loke MEP kier haci ta mustra cu Gobierno, lo ta haciendo algo fout, pasobra Gobierno no a dicidi
pa condena un persona, prome cu hues a condene. Paul Croes a wordo sospecha di algo. Esey ta nifica cu
ministerio publico pa haci su investigacion. Ta un cos cu mester por pasa den un democracia, pero no por
ta asina cu Gobierno y tampoco Parlamento por dicidi cu lo bay condena un persona, cu no a ni wordo
deteni door di Ministerio Publico. A busca den sistema con pa yega na un solucion temporal na e
problema cu a presenta y a busca aansluiting na otro constitucionnan. Y por a mira cu tanto na St.
Maarten, cu tin’e den nan constitucion, pero tambe Hulanda tambe a yega di bin na un solucion temporal
pa un minister cu no por a eherce su funcion.

Segun Dowers, esey a wordo splica masha cla mes y no ta mira e necesidad pa tin un reunion asina largo.
Problema di sra. Wever-Croes ta, cu awe, nan a bisa cu nan kier papia di criminalidad tambe y nan no
tabata tin ni mester di puntra esey, pasobra por papia den e reunionnan aki riba kico cu ta. Nan kier
papia riba e otro famia di dje, cu a wordo deteni algun dia pasa. E preguntanan a wordo haci. Dowers a
constata cu tin un cos hopi straño a sosode den e caso aki pasobra a bin resulta cu ta un persona cu ta un
ambtenaar cu a cuminsa traha na prizon, mas of menos na 2008 y ta un persona cu semper a comporta
su mes malo den su funcion y cu a yega di wordo condena pa traficacion di droga na mas cu un ocasion y
hasta tabata cera como ambtenaar. Un pregunta cu a wordo haci y valido, cu con por ta posibel cu un
persona cu tabata cera pa tanto luna por a keda funciona como ambtenaar. Esey ta un pregunta
sumamente valido. Si un persona a wordo condena y ta cera, e mester wordo retira.
Esey ta loke a bin resulta awor, basa riba e preguntanan cu awe mainta, cu sra. Lorna Varlack y sra.
Desiree Croes a haci y tin cu bisa cu e minister mes ta sorpresa awor aki cu e cos aki ta posibel.
Lo bay papia tambe cu DRH pa bay splica con esaki ta posibel cu e por a pasa y tambe tabata tin pregunta
riba un otro primo di sra. Evelyn Wever-Croes cu tabata meti den cosnan contra ley. El a haya un
taakstraf di 120 ora, cual un caso cu a wordo cera caba. E mester a paga casi 50 mil florin of mas, na boet
bek na comunidad.
Ta personanan yega na Wever-Croes cu tabata meti den crimen. Minister Dowers tabata sa di esun di