Page 4 - CHAMPIONS BAR29 FEB,2016
P. 4
Bunita recepcion pa campeon Mundial TXC Gregory Milliard
Friday, 26 February 2016 19:35
Comparti
E ultimo pelea nan di UFC a percura pa un "full house" na Champions Sports Bar y tabata un
momento hopi special pa Aruba henter, pero particularmente pa empleadonan di Champions
Sports Bar na momento cu Gregory Milliard a ricibi su faha como TXC World Middleweight
Champion na Detroit.
Gregory di kende e team di Champions a sigui su trayecto for di su prome torneo y pelea local di
ora cu el a cuminsa, a titula campeon mundial! El a lucha y persevera y el a logra. Di biaha
despues cu el a yega dialuna atardi bek Aruba, gerencia y personal di Champions Sports Bar
tabata e prome nan pa logra un bishita di Milliard y tur hende a sali pa felicit'e cu un entusiasmo
enorme, tanto di e cushina "back of the house" como e personal "front of the house".
Tabatin huespednan di Marriott cu a tende di su bishita y nan a yega pa wak e, felicit'e y saca
potret cun'e. Algun di nan ta cord'e di 10 aña cu el a traha na Champions.
Nos tin admiracion pa Gregory pa su determinacion y su curason grandi y gana pa yuda hobennan
keda riba bon caminda practicando e deporte di MMA", asina Wency van der Biezen, Food &
Beverage Operations Manager encarga cu Champions Sports Bar, a duna di conoce.
Champions Sports Bar & Restaurant a habri na Marriott’s Ocean Club dia 19 di juni 2000 y
mesora Aruba a cera conoci cu e concepto di un “Sports Bar” estilo Mericano cu ta ofrece tur wega
y e campeonatonan mas grandi di un variedad grandi di deporte for di rond mundo riba nan 34
pantayanan di television instala den henter e restaurant. Ademas, Champions den transcurso di
añanan a ofrece diferente evento cu tabatin un bon impacto manera competencianan di bartender
y dessert.
Champions Sports Bar, Marriott’s Aruba Ocean Club, Marriott’s Aruba Surf Club y Gerencia y
Associadonan di Aruba Marriott Resort & Stellaris Casino ta felicita Gregory Milliard cu su titulo.
Nos ta hopi contento di mir'e triunfa den su deporte.
