Page 16 - bon-dia-aruba-20180714

A16 HENDE HENDE A17
Diasabra 14 Juli 2018 Diasabra 14 Juli 2018

Trahadonan y boluntarionan social na Aruba a haya reconocimento nacional

ORANJESTAD - Riba 10 y 11 di juli ultimo,
trahadonan y boluntarionan social na Aruba a haya
reconocimento pa nan trabou door di e minister
encarga cu e cartera social, Glenbert Croes (MEP).

Segun un comunicado di gobierno, di e forma aki
minister Glenbert Croes a haci un di su deseonan
realidad. E comunicado ta bisa cu desde cu e mandatario a
asumi su encargo ministerial, el a bin realisa den practica
ki dificil y intenso e trabou di un trahado social ta. Locual
cu mas a impresiona su persona ta cu nan ta traha cu alma
y curpa pa e miho di nos hendenan, hopi boluntarionan
trahando cu y di curason, sin nunca exigi nada a cambio,e
comunicado ta bisa. E comunicado ta sigui splica cu
despues di e caso di e dos angelitonan, mas profundo e
impacto aki a bira riba e mandatario.

“Nos tur ta consciente cu Aruba na e momentonan aki ta
pasando den e etapa mas critico socialmente. Un problema
cu a escala y explota 24 di november 2017 pero cu no a
cuminsa ayera. E problema social tin años andando pero
cu pa motibo di negligencia y falta di atencion a yega n’e
punto culminante cu ta unda cu nos ta awor. E trahado
social cu ta e ‘backbone’ di henter bo sistema di asistencia,
ta traha dia aden dia afo, 24/7 cu casonan complica te hasta
hopi lamentabel”, e comunicado ta bisa.

www“Den mi parecer nunca nan a haya e reconocimento
pa esaki”, e mandatario a declara segun e comunicado.
P’esey cu minister Glenbert Croes a bin ta carga e deseo
di por dedica un evento di gratitud na tur, e comunicado
ta bisa. Su manera di bisa tur trahadonan social: “nos ta
wak bo, nos ta aprecia bo, nos ta admira bo y nos ta balora
y gradici bo pa bo bunita labor pa logra e miho pa nos
conciudadanonan. Un reconocimento den forma di un
encuentro ameno cu un certificado pa semper recorda cu
boso trabou ta balioso pa nos”, segun e comunicado ta
bisa na final.