Page 31 - CMB

Inclusive e hefe nobo di Cuerpo Policial cu a pone enfasis riba visibilidad y siguridad den
trafico.

Cuerpo Policial mester percura pa siguridad riba caya y den esaki tambe e bon

cooperacion cu Departamento di Impuesto ta importante. Principalmente pa evita cu
personanan inocente no ta haya nan mes cu gasto causa door di otro automobilistanan
cu no ta cumpli cu e exigencianan pa tin un vehiculo cu ta move den trafico.

Lacle a splica cu loke cu nan a constata cu a aumenta toch e ultimo añanan ta
accidentenan unda cu esun cu a causa e desgracia ta sigui core, o sea bandona e lugar.
P’esey un miho comunicacion cu Belasting ta permiti nan tin un bon control den trafico.

E fenomeno di accidente di hit & run ta debi cu e chauffeurnan no tin e documentonan
di dje na ordo (rijbewijs, seguro y belasting) pa cual e Korpschef nobo a pone hopi
enfasis riba visibilidad di Polis riba caya pero tambe mas control den trafico. P’esey ya
caba ta mira cu tin mas control di trafico den forma regular pa sigura cu tur esnan cu ta

riba caya (trafico), tin nan documentonan na ordo.

E sticker te ainda, e ta haya, ta haci e trabao di Polisnan menos eficiente pa motibo cu
no ta mira di leu si e number ta paga of no y lo mester para tur auto pa haci e control.

P’esey e ta kere cu mester yega na un sistema cu tur stakeholder ta di acuerdo cun’e,
kisas un plachi number cu un chip riba dje. Un sistema kisas unda cu DIA, KPA, Censo y
companianan di seguro ta conecta riba dje pa permiti un miho control di tur loke ta e

documentonan cu un auto y chauffeur mester tin pa mobilisa den trafico. E ta permiti
pa yega asina na un miho sistema di control.

Bon tambe ta pa introduci loke algun ciudad na Merca a bin cune di como 10 aña pasa

caba, esta cu e patruya mes cu djis algun boton riba sea un iPad of Mini-Computer den
vehiculo, ta traha e procesverbaal di forma cu ora e agente yega bek Warda, e no tin di
bay perde tempo pa manualmente skirbi rapport di tur procesverbaal.