Page 9 - RDA

Djarason 4 Aprel 2018 3
Segun Gherrel Remilia di APRI
Refineria Isla a desmentí siere

di 3 refineria na Venezuela

WILLEMSTAD.- Den
dianan di fiesta ku ta tras
di lomba a surgi e notisia
ku PDVSA lo laga sera tres
refineria na Venezuela. Lo
ta trata di e refinerianan
na Cardón, Puerto La Cruz
i El Palito. Esaki lo tin di
aber ku eskases di krudo
pa proseso, i tambe pa
falta di personal ku mester
traha riba e plantanan den
e refinerianan en kuestion.
Den deklarashon pa
EXTRA, presidente di
sindikato APRI, sr. Gherrel
Remilia a indiká ku e notisia
aki a kai manera un bòm pa
nan trahadó di Refineria
Isla. Mesora a komuniká ku
e direktor di Refineria Isla,
kende a informá e sindikato
ku miéntras tantu e notisia
no sali ofisialmente for di
gobièrnu di Venezuela, e
notisia no ta bèrdat.
Segun sr. Remilia, e
direktor a para riba ku e
informashon di siere di
e tres refinerianan no ta
kuadra.
Tambe e presidente dje
sindikato di trahadónan di
staf di refineria a splika ku e
tres refinerianan menshoná
no ta ligá direktamente
ku Refineria Isla, pero no
mester pèrdè for di bista ku
meskos ku Refineria Isla,
nan tambe ta kai bu dje
kompania madre PDVSA.
Pero nan di sindikato ta
keda monitòr tur situashon
i informashon.