Page 77 - MIN ON 27 OCT 2015
P. 77
Maria College MAVO ta gradici Heart-Centered Leadership Foundation y Bureau di
Minister di Enseñansa pa e seminario di liderasgo ACE
Monday, 26 October 2015 21:47
Comparti
Maria College MAVO ta desea di gradici Heart-Centered Leadership Foundation pa nan dedicacion y
mision pa yuda forma hobennan lider cu ta dedica y enfoca riba liderasgo di curason, “Heart-Centered
Leaders”.
Na Minister di Enseñansa Sra. M. Hooyboer-Winklaar y Bureau di Minister di Enseñansa masha danki pa
boso aporte y vision, danki pa duna nos e oportunidad pa experencia ACE y nos hobennan di Ciclo Avansa
1 (Klas 3)e oportunidad pa siña abilidadnan nobo y di gran balor. Nos ta spera di por sigui experencia
proyectonan di gran calidad manera esaki y cu poder di Dios esaki por sigui yega na nos scolnan di
enseñansa secundario riba Aruba completo.
ACE ta un programa pa adolescente cu ta enfoca riba liderasgo, compromiso pa excelencia, productividad
riba nivel escolar, desaroyo personal, inteligencia emocional, abilidadnan di comunicacion interpersonal,
confiansa propio y autoestima. E programa aki ta specialmente traha pa atende cu e necesidadnan di e
adolescente y pa prepara nan pa atende cu e retonan cu nan ta bai encontra den nan bida.
E programa ta diseña pa encurasha e hubentud di Aruba pa sobresali y expande nan horizonte pa di es
manera aki nan por logra tur nan soñonan, metanan y maximo potencial. Durante 3 dia alumnonan,
mentornan, docentenan y team di cuido di Maria College MAVO a pasa door di un experiencia
sumamente enriquecedor cu a duna cada un di nos e oportunidad pa conoce nos mes mihor y tambe nos
famia di scol.
Directorado y Team di Cuido di Maria College MAVO ta gradici tur alumno, mentor y maestro cu a
participa na e 3 dianan di ACE den luna di oktober (13 – 14 – 15), boso cooperacion, dedicacion y
dinamismo ta di admira.
Por ultimo, un gradicimiento special ta bai pa mayornan di nos alumnonan di Ciclo Avansa 1 cu a
contribui y apoya e proyecto 200% . Na mayornan cu a atende e atardi pa mayor riba e ultimo dia di e
seminario, boso presencia a wordo altamente aprecia y boso a haci di e ultimo atardi uno inolvidabel.
Mayornan boso cooperacion ta duna nos e motivacion pa sigui padilanti trahando semper na bienestar di
nos hubentud, e futuro di nos Aruba.
